Jam de kelkaj jaroj mi emas distanciĝi de UkrEA kiel organizo, ĉar en ĝia agado mi vidas nur la organizajn baraktojn: kiun statuton uzi, kiel organizi UkrEA-kongreson (kiu ĉiuokaze nenion konkretan faros; en la plej bona okazo ĝi denove diskutos pri la mankoj de la statuto), kiujn komisiitojn nomumi. Ve, ĉio ĉi estas nur imitado de vigla agado, tamen la vera agado de UkrEA jam de multaj jaroj, miaopinie, simple mankas. Ĉio, kio okazas en la E-medio de nia lando, okazas nur per la fortoj de apartaj personoj (iu instruas, iu organizas E-renkontiĝojn, iu faras vere aktivan klub-laboron, ktp; sed ĉio ĉi estas nur la aktivado de certaj homoj). UkrEA kiel organizo al tiuj atingoj k faroj havas neniun rilaton. Menciinda escepteto el tiu observo estas la prezidado de Lineckij – li almenaŭ sukcesis atingigi la okazigon de IJK en nia lando (mi malgraŭ ĉio opinias tion granda sukceso; k mi ja certas, ke sen almenaŭ formala partopreno de UkrEA, TEJO ne akceptus la decidon favoran al Ukranio). Dum la gvidado de ĉiuj antaŭaj prezidantoj laŭ mia memoro okazis nenio simila. Se mi eraras, korektu min.