Do, se ni sukcesos eviti unu-respondeculojn - tio estos perfekte por estonteco de ajna klubo.


------------------------------------

Kaj kelkaj agoj povas plifortigi vian klubon:
/* "vian" ne en senco ke gxi apartenas al unu homo */

1. Instigi junulojn provi instrui dum lecionoj. Kaj se en la klubo estos kelkaj instruistoj de Esperanto - tio estos tute alia sperto kaj tute alia etoso (teama).

Ekz. en Bjalistoko ni cxiam instruas duope - mi kaj Psxemek.

Kaj kiam merkrede venas pli granda grupo, ni faras 45 minutan komunan spektadon de Pasporto al la Tuta Mondo, kaj poste dividas la grupon je du grupoj kaj paroligas ilin. Kaj kapti atenton de pli ol 10 homoj estas tre malfacile. Do, divido de grupo estas tre inda sperto.

2. Neniam montri ke vi pli bone scias la lingvon aux ke vi estas la plej grava en la klubo, ecx fari male, cxiam montri ke aliaj klubanoj estas tre valoraj kaj sen ili ne estos tia bona klubo.

3. Instigi membrojn de klubo renkontigxi ne nur en la klubejo, sed festis E-festojn kaj naskigxtagojn, trovi angxelojn por komencantoj, kune vojagxi, organizi malgrandajn E-event-et-ojn, reklam-et-i Esperanton en via urbo - do, entuziasmigi samideanojn.

4. Se iu klubano volas perlabori monon dank' al Esperanto, li/sxi faru apartan travideblan komercajxon (vendu ion per Interreto, proponu iun servon...) kaj ne uzu klubon kaj ties membrojn por propra profito.

Ekz. iam uzurpantoj de kluboj komencas kolektadi monon por sia bontrovo... kaj tio, laux mia opinio, ne plu estas vera (kun animo) klubo.

Ekz. kelkaj kluboj en Pollando baldaux mortos, gxuste pro tio.